സ്വപ്നം
പ്രണയിക്കുകയായിരുന്നു ഞാനും അവളും
ഒരിക്കലും നഷ്ടപ്പെടരുതെ എന്ന ആഗ്രഹത്തില്‍..
കടുത്ത വിഷാദവും പേറി ഞങ്ങള്‍ നടന്നകലുമ്പോഴും
കാണാത്ത ലോകത്തെ കുറിച്ചായിരുന്നു ഞങ്ങളുടെ സ്വപ്നം..
ഓര്‍മ്മകളിലൂടെ മാത്രം ഞങ്ങള്‍ കണ്ടിരുന്ന ആ ദിവ്യമായ ലോകം
അതായിരുന്നു ഞങ്ങളുടെ സ്വപ്നം..
സ്നേഹം കൊണ്ട് വീര്‍പ്പു മുട്ടിക്കുമ്പോഴും മറയാത്ത ഓര്‍മ്മകളിലൂടെ
ഋതു ഭേദങ്ങള്‍ തകര്‍ത്ത് ഞങ്ങള്‍ നടന്നകന്നു..
ഒരിക്കല്‍ ഞങ്ങള്‍ ആഗ്രഹിച്ച ആ ലോകത്തിലേക്ക്
എത്തുമെന്ന ആശ്വസത്താല്‍....
അലച്ചില്‍
കാത്തിരുന്ന വഴികളിലെല്ലാം ഞാന്‍ നിന്നെ തിരഞ്ഞു
കണ്ടത് ഒഴിഞ്ഞ പാതയോരം മാത്രം...
പോകുന്ന വഴിയിലെല്ലാം ഞാന്‍ നിന്നെ തിരഞ്ഞു
കണ്ടത് നീ പിന്നിട്ട കാല്‍പാടുകള്‍ മാത്രം...
ആഴിയുടെ പരപ്പില്‍ ഞാന്‍ നിന്നെ തിരഞ്ഞു
കണ്ടത് അകന്ന് പോകുന്ന ഓളങ്ങള്‍ മാത്രം...
ഓര്‍മ്മയുടെ നിഴലില്‍ ഞാന്‍ നിന്നെ തിരഞ്ഞു
കണ്ടത് ഓര്‍മ്മകള്‍ക്ക് വിഭിന്നമായ നിഴലുകള്‍ മാത്രം...
ഒടുക്കം ഖബറിടത്തില്‍ ഞാന്‍ നിന്നെ തിരഞ്ഞു
കണ്ടത് രണ്ടു മീസാന്‍ കല്ലുകള്‍ മാത്രം..
Subscribe to:
Posts (Atom)